به گزارش پایگاه اطلاع رسانی رصدمراغا ؛ حسین فرهادی ،شاعر آیینی مراغه  به مناسبت ساگرد سید الشهدای جبهه مقاومت سردار شهید حاج قاسم سلیمانی شعری را با عنوان ” منم قاسم سلیمانی”  به زبان ترکی سروده است .

متن شعر :

منم قاسم سلیمانی…

بیلون ای ملت ایران منم قاسم سلیمانی
یل نام‌آور کرمان منم قاسم سلیمانی

نه سردارم نه سرلشگر شرف جیشینده سربازم
ولایت پادگانینده ظفرمندِ سرافرازم
شرافت جبهه‌سینده جان به کف رزمنده جانبازم
شهید مکتب قرآن منم قاسم سلیمانی

ئولونجه من دفاع ائتدیم حریم آل حیدردن
مدال افتخار آلدیم خانم زهرای اطهردن
منی سرمست ائدیب ساقیِّ جنّت آب کوثردن
مُقیم روضه‌ی رضوان منم قاسم سلیمانی

حریم زینبی سالدی حصاره فرقه‌ی اعدا
دمشقه عازم اولدوم تحت امر رهبر والا
کسنده داعشین نسلین دئدیم لبیک یازهرا
الیمده پرچم ایمان منم قاسم سلیمانی

وئریب جان عرصه‌ی ایثاریده من قهرمان چیخدیم
شرافت پنجه‌سینده پیگر اهریمنی سیخدیم
دیلیمده ذکر یازینب شرارت کاخینی یخدیم
ائدن ظلمین ائوین ویران منم قاسم سلیمانی

شهید راه اسلامم منیم اَعلی مقامیم وار
منیم پیر جمارانین یانیندا احترامیم وار
وصیّت‌نامه‌مه باخسوز سیزه عالی پیامیم وار
ائدون عالملره اعلان منم قاسم سلیمانی

سیزه نقشه چکور دشمن آماندی چوخ اولون هشیار
مبادا فتنه‌ی هشتاد و هشت اولسون گئنه تکرار
اولون حامی ولایتدن که رهبرده دیانت وار
مُطیع رهبر ایران منم قاسم سلیمانی

آماندی جان سیزون جان رهبر مظلوم ایرانین
آلون دست شرارتدن بصیرتله گریبانین
اونی تک قویمیون انسان گرک حفظ ائتسین ایمانین
وئرون دینه سر و سامان منم قاسم سلیمانی

حفاظت ایلیون خوش مسلکوزدن پاک دینوزدن
آماندی گئتمیون بیراهیه راه یقینوزدن
اطاعت ایلیون امر ولیّ مسلمینوزدن
اولون اسلامه پشتیبان منم قاسم سلیمانی

مقّدس انقلابی ساخلیان عشق ولایتدی
حقیقت چهره‌سین گورمکلیقین شرطی بصیرتدی
آتون بیگانه‌نی سرلوحه‌ی پیروزی وحدتدی
اولون یاریله هم پیمان منم قاسم سلیمانی

سپاهین اقتداری ارتشین وقری اولوب توأم
ووربلار خصم استکباره هردم سیلی محکم
سیزی دشمن یخابیلمز فقط هامّوز اولون باهم
سالون عالملره طوفان منم قاسم سلیمانی

یئریم بوش قالدی جمعوزده منی یاد ایلیون هرآن
یئروز بوش اولمیشام سر سفره‌‌ی دلداریده مهمان
منیم هجریمده (فرهادی) گوزل اشعار ائدیب عنوان
قالار آثاری جاویدان منم قاسم سلیمانی